Rakaforvarnir í Svansvottuðum byggingum geta komið í veg fyrir tjón
Teikningar af nýjum Kársnesskóla
Fréttir bárust af því í vikunni að bæjarstjórn Kópavogs hafi samþykkt heimild til riftunar verksamnings við verktaka um byggingu á nýjum Kársnesskóla, m.a. vegna vandamála sem upp hafi komið vegna raka og myglu í byggingarefninu.
Nýr Kársnesskóli hefur verið í Svansvottunarferli frá því í október árið 2019 og hófust framkvæmdir haustið 2021.
Í Svansvottun felast meðal annars ríkar kröfur um rakaforvarnir. Svansvottunin gerir kröfu um að skipaður sé rakavarnarfulltrúi sem leggur fram ítarlega rakavarnaráætlun og tryggir að henni sé fylgt og sinni eftirliti á verkstað.
Rakavarnaráætlun fyrir umrætt verkefni er umfangsmikil, enda verkefnið stórt. Rakavarnarfulltrúi hefur fylgt áætluninni eftir og sinnt reglulegu eftirliti. Svanurinn hefur verið upplýstur í gegnum ferlið þegar frávik hafa orðið í rakaforvörnum og fengið í kjölfarið útlistun á fyrirhuguðum mótvægisaðgerðum. Rakavarnarfulltrúi hefur jafnt og þétt fylgt þessum aðgerðum eftir og gefa nýjustu mælingar til kynna að mótvægisaðgerðir hafi borið árangur.
Þau frávik sem komið hafa upp í þessu tiltekna verkefni sýna svart á hvítu mikilvægi rakavarnaeftirlits í byggingarframkvæmdum. Ef slíkt eftirlit hefði ekki verið til staðar í þessu tilfelli er óvíst hvort vandamálið hefði verið greint á byggingartíma með tilheyrandi efnahags-, heilsu- og umhverfistjóni.
Í Svansvottun felast einnig kröfur um innivist, innihaldsefni í byggingarefnum, orku, hljóðvist og gæðakerfi.
Svanurinn er opinbert umhverfismerki Norðurlandanna og hefur Umhverfisstofnun umsjón með merkinu hérlendis.
Fleiri fréttir
5. nóvember 2026
Stuðlar meiri neysla að innihaldsríkara lífi?
30. október 2026
Svansvottuð gólfefni og efnavörur nú leyfileg í BREEAM vottaðar byggingar
28. október 2026
Loftslagsdagurinn 2026 fyrstur íslenskra viðburða til að hljóta Svansvottun
16. október 2026
