Svansvottuð nýbygging í Þingeyjarsveit
![](https://svanurinn.is/wp-content/uploads/2021/04/faktabygg-afhending.jpg)
Í dag fengu FaktaBygg afhent leyfi fyrir Svansvottað parhús í Ljósavatnsskarði í Þingeyjarsveit. Nýbyggingin er sú fyrsta utan höfuðborgarsvæðisins sem hlýtur Svansvottun, en fram að þessu hafa klárast tvö vottuð verkefni á höfuðborgarsvæðinu. Árni Grétar Árnason framkvæmdastjóri FaktaBygg Ísland tók við leyfinu af Guðmundi Inga Guðbrandssyni umhverfis- og auðlindaráðherra við litla hátíðlega athöfn í dag.
Parhúsið verður í eigu Þingeyjarsveitar sem sýnir hér prýðilegt fordæmi með fjárfestingu í grænni uppbyggingu. Eins og fram kom á Umhverfisþingi í vikunni gegna fjárfestingar í sjálfbærum verkefnum lykilhlutverki í að ná samdrætti í losun gróðurhúsalofttegunda og stuðla að innleiðingu hringrásarhagkerfisins.
![](https://svanurinn.is/wp-content/uploads/2021/04/180040624-169472571753545-6688043378587452339-n.jpg)
Þegar byggt er eftir viðmiðum Svansins er áherslan fyrst og fremst lögð á að minnka neikvæð áhrif á umhverfið, en byggingariðnaðurinn er sá iðnaður sem losar mest af gróðurhúsalofttegundum á heimsvísu. Kröfur sem draga úr notkun skaðlegra efna í byggingunni tryggja líka minna umhverfisálag og ekki síður skapar það betri innivist fyrir íbúa og aðra notendur byggingarinnar.
Í stuttu máli um Svansvottaða nýbyggingu:
- Strangar kröfur um innihald skaðlegra efna í bygginga- og efnavöru
- Góð innivist tryggð með góðri loftræsingu og hljóðvist
- Hagkvæm orkunotkun með áherslu á orkusparnað
- Gæðastjórnun tryggð í byggingarferlinu
- Rekstrar- og viðhaldsáætlun til staðar fyrir líftíma byggingarinnar
Parhúsið í Ljósavatnsskarði er einingahús úr við úr sjálfbærri skógrækt, en Svanurinn gerir kröfu um sjálfbærnivottun viðar auk þess sem búið er að útiloka notkun viðartegunda sem taldar eru í útrýmingarhættu. Utanumhald verkefnisins að hálfu FaktaBygg hefur verið til fyrirmyndar og eftirlit fyrirtækisins með innri ferlum sömuleiðis, má þar nefna eftirfylgni rakavarnarplans og úrgangsmeðhöndlunar á meðan á byggingartímanum stóð. Íbúðirnar eru útbúnar með loftskiptikerfi sem tryggir minni orkunotkun yfir líftíma hússins.
![](https://svanurinn.is/wp-content/uploads/2021/04/179686087-485899169160140-4244481551289861576-n.jpg)
Fleiri fréttir
![](https://svanurinn.is/wp-content/uploads/2024/07/skjamynd-2024-07-15-133035-335x400.png)
Nýjar leiðbeiningar fyrir nýbyggingarviðmiðin, útgáfu 4
![](https://svanurinn.is/wp-content/uploads/2024/07/patch-floor-x0-400x267.jpg)
Nýjar reglur um tilvísanir í samþykktar byggingarvörur í Supply Chain Declaration Portal (SCDP)
![](https://svanurinn.is/wp-content/uploads/2024/07/img-3933-scaled-e1720004867825-400x252.jpg)
Hótel Rauðaskriða: Vottað hótel í 13 ár
![](https://svanurinn.is/wp-content/uploads/2024/06/mynd-fra-afhendingu2-400x224.jpg)