Umhverfisráðherra fyrsti kúnninn á Svansvottuðum veitingastað
![](https://svanurinn.is/wp-content/uploads/2020/02/radherra-1440x1080.jpg)
Sjávarpakkhúsið í Stykkishólmi fékk sl. föstudag afhent Svansleyfi frá Guðmundi Inga Guðbrandssyni, umhverfisráðherra. Eftir afhendingu varð ráðherra fyrsti gesturinn á hinum nývottaða veitingastað þar sem hann gæddi sér á sjávarfangi úr Breiðafirði.
Sjávarpakkhúsið er fyrsta fyrirtækið á Snæfellsnesi sem hlýtur vottun Svansins, en veitingastaðurinn sérhæfir sig í fersku fiskmeti úr nærumhverfinu. Svanurinn leggur meðal annars áherslu á sjálfbæran uppruna matvæla, staðbundin matvæli og að veitingastaðir vinni markvisst að því að draga úr matarsóun. Veitingastaðurinn er staðsettur í gömlum beitingaskúr við höfnina í Stykkishólmi. Snæfellsnes er einnig umhverfisvottað samfélag samkvæmt stöðlum Earth Check og er mikilvægt að fyrirtæki á svæðinu taki virkan þátt í umhverfisímynd svæðisins og sýni fram á árangur í umhverfismálum með óháðri vottun þriðja aðila.
Umhverfisstofnun óskar Sjávarpakkhúsinu innilega til hamingju með árangurinn. Við hlökkum til að vinna með Hólmurum að sjálfbærara samfélagi.
Fleiri fréttir
![](https://svanurinn.is/wp-content/uploads/2024/07/skjamynd-2024-07-15-133035-335x400.png)
Nýjar leiðbeiningar fyrir nýbyggingarviðmiðin, útgáfu 4
![](https://svanurinn.is/wp-content/uploads/2024/07/patch-floor-x0-400x267.jpg)
Nýjar reglur um tilvísanir í samþykktar byggingarvörur í Supply Chain Declaration Portal (SCDP)
![](https://svanurinn.is/wp-content/uploads/2024/07/img-3933-scaled-e1720004867825-400x252.jpg)
Hótel Rauðaskriða: Vottað hótel í 13 ár
![](https://svanurinn.is/wp-content/uploads/2024/06/mynd-fra-afhendingu2-400x224.jpg)