Markaðsherferð Svansins – Leyfishafar komið með!
Við hvetjum ykkur til að taka þátt í markaðsherferð Svansins. Þið fáið aðgang að öllu markaðsefni, á íslensku.
Þið, Svansleyfishafar, hafið lagt mikið á ykkur til að uppfylla allar kröfur Svansins. Það þurfa neytendur að vita!
Önnur umferð samnorrænnar markaðsherferðar Svansins, sem fyrst fór í loftið sumarið 2023, byrjar í febrúar 2024.
Herferðin fer fram á samfélagsmiðlunum Facebook og Instagram.
Hér er dæmi um auglýsingu:
Hvernig geta leyfishafar nýtt sér herferðina?
- Nota Svanslógóið og glænýja slagorð Svansins „Harðar kröfur, auðvelt val“
- Nýta ykkur hugmyndir og texta sem skrifaðir voru fyrir herferðina og er að finna í þessum markaðsherferðarpakka.
- Því fleiri sem miðla sömu skilaboðum, því víðtækari áhrif.
Um hvað snýst herferðin?
Í herferðinni sýnum við brot úr viðtölum við vörur sem ekki stóðust kröfur Svansins og heyrum þeirra reynslu af vottunarferlinu. Með þessu viljum við sýna:
- Fyrir hvað Svansmerkið stendur
- Hvers vegna Svanurinn gerir ákveðnar kröfur
- Hvernig við greinum okkur frá öðrum umhverfismerkjum
Allt á léttan og skemmtilegan hátt!
Ýmsir leyfishafar á Norðurlöndunum hafa nýtt sér herferðina í eigið markaðsefni. Hér má sjá, frá vinstri, norskt, danskt, sænskt og finnskt dæmi um samfélagsmiðlabirtingar sem nýttu sér herferðina í eigið efni.
Grunnupplýsingar norrænu herferðarinnar má svo sjá hér:
Hafið samband
Ekki hika við að vera í sambandi við Ester Öldu með hverslags spurningar, hugmyndir eða upplýsingar tengdum markaðsherferðinni. Við viljum endilega heyra af og fylgjast með áformum í tengslum við markaðsefni sem nýtir Svaninn.
Ester Alda Hrafnhildar Bragadóttir
Sérfræðingur
ester.alda.hrafnhildar.bragadottir@umhverfisstofnun.is
591 2000