Við hvetjum ykkur til að taka þátt í markaðsherferð Svansins. Þið fáið aðgang að öllu markaðsefni, á íslensku.

Þið, Svansleyfishafar, hafið lagt mikið á ykkur til að uppfylla allar kröfur Svansins. Það þurfa neytendur að vita!

Önnur umferð samnorrænnar markaðsherferðar Svansins, sem fyrst fór í loftið sumarið 2023, byrjar í febrúar 2024.

Herferðin fer fram á samfélagsmiðlunum Facebook og Instagram.

Hér er dæmi um auglýsingu:

• Nota Svanslógóið og glænýja slagorð Svansins „Harðar kröfur, auðvelt val“
• Nýta ykkur hugmyndir og texta sem skrifaðir voru fyrir herferðina og er að finna í þessum   markaðsherferðarpakka.
• Því fleiri sem miðla sömu skilaboðum, því víðtækari áhrif.

Í herferðinni sýnum við brot úr viðtölum við vörur sem ekki stóðust kröfur Svansins og heyrum þeirra reynslu af vottunarferlinu. Með þessu viljum við sýna:

• Fyrir hvað Svansmerkið stendur
• Hvers vegna Svanurinn gerir ákveðnar kröfur
• Hvernig við greinum okkur frá öðrum umhverfismerkjum

Allt á léttan og skemmtilegan hátt!

Ýmsir leyfishafar á Norðurlöndunum hafa nýtt sér herferðina í eigið markaðsefni. Hér má sjá, frá vinstri, norskt, danskt, sænskt og finnskt dæmi um samfélagsmiðlabirtingar sem nýttu sér herferðina í eigið efni.

Hafið samband

Ekki hika við að vera í sambandi við Ester Öldu með hverslags spurningar, hugmyndir eða upplýsingar tengdum markaðsherferðinni. Við viljum endilega heyra af og fylgjast með áformum í tengslum við markaðsefni sem nýtir Svaninn.