Af hverju að velja Svansvottun?
Svansmerkið er opinbert umhverfismerki Norðurlandanna sem tekur til alls lífsferils vöru og þjónustu. Svansvottuð vara er betri fyrir umhverfið og heilsuna.
Svansvottun er auðveld leið til að miðla umhverfisstarfi fyrirtækis og sendir neytendum skýr skilaboð um að fyrirtækið vinni markvisst að því að draga úr umhverfisáhrifum í öllum lífsferli vörunnar. Svansmerkið er áreiðanleg vottun sem 93% Íslendinga þekkja.
Hvað er hægt að Svansvotta?
Í dag eru til Svansviðmið fyrir um 60 mismunandi flokka vöru og þjónustu og yfir 40.000 vörur og þjónusta bera nú merki Svansins á öllum Norðurlöndunum. Á Íslandi hafa þjónustufyrirtæki verið duglegust að sækja um Svaninn en fjölmargar vörur sem bera umhverfismerkið Svaninn eru fluttar inn og seldar hérlendis.
Smelltu á leita til að sjá hvað er til Svansvottað í vörulista Svansins!
Reynslusögur
„Framtíðarsýn okkar í Krónunni er að hjálpa viðskiptavinum að lifa heilbrigðum og sjálfbærum lífsstíl og teljum við að Svansvottunin hjálpi okkur að ná því markmiði, aðgreini okkur á markaði og geri okkur leiðandi í sjálfbærni.“
Heiðdís Inga Hilmarsdóttir
Verkefnastjóri sjálfbærnimála - Krónan
„Mæli 100% með Svansvottun þar sem hún á við og sérstaklega í allri framleiðslu. … Hef sagt það áður að Svanurinn er í raun lítið gæðakerfi því allt verður gegnsætt í framleiðslunni.“
Ólafur Stolzenwald
Prentsmiðjan GuðjónÓ
„Betri vinnuaðstæður fyrir starfsmenn á verkstað, heilnæmara húsnæði fyrir íbúa og notendur og minni umhverfisáhrif. Lægri orkunotkun húsnæðisins, áhersla á gæði og rakavarnir, heilnæmara inniloft, áhersla á dagsbirtu og hljóðvist og minna kolefnisspor eru dæmi um ávinning af Svansvottun.“
Gylfi Gíslason og Sigrún Melax
Jáverk
„Ávinningurinn fyrir umhverfið er augljós eftir að við höfðum gengið í gegnum vottunarferlið. Minni sápa fer út í umhverfið, minna sorp stafar frá fyrirtækinu og dregið hefur verið úr sóun á vatni og orku. Ávinningurinn fyrir okkur er stjórntæki sem nýtist gríðarlega vel í rekstrinum og hefur virkað sem gæðastýring líka.“
Arndís Soffía Sigurðardóttir
Framkvæmdastjóri - Hótel Fljótshlíð
„[Svansvottunarferlið] er bæði gott fyrir náttúruna og svo minnkar þetta líka mikið alls konar sóun þar sem að Svansvottunin snýst ekki bara um umhverfismál heldur tryggir hún líka að fyrirtækin hafi virkt gæðakerfi.
Einar Hannesson
Sólar ehf.
„Ferlið hefur verið okkur hjá Málningu lærdómsríkt, það hefur gefið okkur betri yfirsýn yfir hráefnin sem við erum að nota sem og til þeirra vara sem við framleiðum. En það sem stendur uppúr eftir að hafa farið í gegnum ferlið er hvatinn til þess að gera betur og þróa vörur sem hafa reynst vel í áratugi.“
Haukur Baldvinsson
Málning hf.
17. mars 2025
19. febrúar 2025
7. febrúar 2025
6. febrúar 2025
