Umsóknir um Svansvottun bygginga hefur aukist statt og stöðugt síðustu ár. Á þeim tíma hefur skapast mikil reynsla í byggingargeiranum. Þar til nú hefur ekki verið sérstakur vettvangur fyrir aðila sem koma að Svansvottun bygginga til að koma saman, skiptast á þekkingu, ræða algeng vandamál og mynda tengsl. Það var því mikil ánægja með fyrstu málstofuna fyrir Svansvottaðar byggingar: Reynsla og ráðleggingar, sem var haldin í samstarfi við Iðan fræðslusetur.

Dagskráin var fjölbreytt, sérfræðingar Svansins fóru yfir mikilvæg atriði í umsóknarferlinu, og reynsluboltar úr geiranum gáfu mikilvæga innsýn í sína reynslu af Svansvottunarferlinu og útboðsgögnum. Auk þess var rætt um mikilvægi góðs samstarfs verktaka, verkkaupa og ráðgjafa. Seinni hluti málþingsins var svo nýttur í umræður.

Við þökkum öllum sem komu að viðburðinum eða mættu kærlega fyrir.