Héraðsprent á Egilsstöðum stóðst nýlega endurvottun Svansins samkvæmt nýjum og hertum viðmiðum fyrir prentþjónustur – fyrst allra á Íslandi.

Prentþjónustan hefur verið Svansvottuð síðan 2016 og sýnir mikinn metnað þegar kemur að umhverfismálum. Með þessari endurvottun undirstrikar Héraðsprent áframhaldandi skuldbindingu við sjálfbærari lausnir í prentþjónustu.

Nýjustu viðmiðin fela í sér hertar kröfur og leggja aukna áherslu á:

• Efnanotkun
• Rokgjörn lífræn efnasambönd (VOC)
• Mælanlega og tímasetta stefnu til að draga úr umhverfisáhrifum
• Árlega eftirfylgni á lykilkröfum, m.a. um efnanotkun, undirlag, VOC og orkunotkun.

Lesa má nánar um viðmiðin hér.

Við óskum Héraðsprenti innilega til hamingju með árangurinn og hlökkum til áframhaldandi samstarfs.